Leritaz nu zanset
nu ule nu pa ule
tultan pu ena valer sa
pran nu ravann
si zordi sega zoli
se parski nu pann les li tonbe
parey kuma Le Morne
zordi tann dir li menase
somey gran dimunn
ki ti pe repoze laba
la rivyer disan pe fer turbiyon
dan mo lespri pe fer mwa rapel
Komye ena ti monte
lao Le Morne laba
prefere zete akoz kontan liberte
fode pa ki zame nu bliye
napa finn zete pu naryen
listwar ena valer
me li la pu fer reflesi
Twa desandan esklav
to bizin na pa onte
to bizin afirm to lidantite
pran kont to pase
napa les li pietine
kumsa mem to pu kone ki to ete
parey kuma Le Morne
sekinn ekrir pa refase
nu lapo ena soley
ki ti ne dan Lafrik laba
nu ti sot la mer
ti ena turbiyon
mo memwar vivan pe fer mwa rapel
Komye ena ti monte
lao Le Morne laba
prefere zete akoz kontan liberte
fode pa nu bliye
napa finn zete pu naryen
listwar ena valer
me li la pu fer reflesi
